meri dastan-e-ghazal ne ab mere gham sabhi ko bata diye

merī dāstān-e-ġhazal ne ab mere ġham sabhī ko batā diye

jo chhupā rahī thī maiñ ab talak vahī rāz-e-dil lo dikhā diye

bhalā ghūmtī maiñ kahāñ kahāñ liye zaḳhm-e-dil tere naam ke

mere ashk-e-chashm charāġh ne tere saare ḳhat hī jalā diye

hai bahār gum hai fazā bhī chup haiñ chaman se duur vo titliyāñ

ki taraqqiyoñ ne dayār se vo hasīn gaañv miTā diye

maiñ to bāñTtī rahī pothiyāñ jo likhīñ thiiñ tere visāl meñ

ki udāsiyoñ ke hisāb meñ tū ne kyoñ makān jalā diye

ka.ī baar soch ke yuuñ lagā mere haath meñ terā haath hai

jo haqīqatoñ ke diye jale to mohabbatoñ ke bujhā diye

kahīñ kho ga.ī hai jo saañs hī to dhaḌak ke dil ye kare bhī kyā

kisī be-vafā kī 'kashish' ke ġham rah-e-bā-vafā pe bhulā diye

meri dastan-e-ghazal ne ab mere gham sabhi ko bata diye

jo chhupa rahi thi main ab talak wahi raaz-e-dil lo dikha diye

bhala ghumti main kahan kahan liye zaKHm-e-dil tere nam ke

mere ashk-e-chashm charagh ne tere sare KHat hi jala diye

hai bahaar gum hai faza bhi chup hain chaman se dur wo titliyan

ki taraqqiyon ne dayar se wo hasin ganw miTa diye

main to banTti rahi pothiyan jo likhin thin tere visal mein

ki udasiyon ke hisab mein tu ne kyon makan jala diye

kai bar soch ke yun laga mere hath mein tera hath hai

jo haqiqaton ke diye jale to mohabbaton ke bujha diye

kahin kho gai hai jo sans hi to dhaDak ke dil ye kare bhi kya

kisi be-wafa ki 'kashish' ke gham rah-e-ba-wafa pe bhula diye