meri darKHwast takalluf ki nishani se hai

merī darḳhvāst takalluf kī nishānī se hai

yā'nī har baat tirī aañkh ke paanī se hai

tham na jaa.e tire bartāv se ‘ājiz aa kar

dil ko taklīf tirī talḳh-zabānī se hai

is tarah jaan chalī jā.egī ye mumkin hai

'ishq bhī haa.e mujhe ek siyānī se hai

maar Dālegā lihāzā tū mohabbat apnī

yuuñ na.ī baat hai par rabt purānī se hai

ḳhush-mizājī se nahīñ aur na ḳhāmoshī se

aañkh meñ ḳhvāb to nīñdoñ kī ravānī se hai

'ishq se harj nahīñ hogā yaqīnan phir bhī

mujh ko ummīd tirī sāf-bayānī se hai

meri darKHwast takalluf ki nishani se hai

ya'ni har baat teri aankh ke pani se hai

tham na jae tere bartaw se ‘ajiz aa kar

dil ko taklif teri talKH-zabani se hai

is tarah jaan chali jaegi ye mumkin hai

'ishq bhi hae mujhe ek siyani se hai

mar Dalega lihaza tu mohabbat apni

yun nai baat hai par rabt purani se hai

KHush-mizaji se nahin aur na KHamoshi se

aankh mein KHwab to nindon ki rawani se hai

'ishq se harj nahin hoga yaqinan phir bhi

mujh ko ummid teri saf-bayani se hai