meri ghurbat ko pasheman bhi kar sakta tha

merī ġhurbat ko pashemān bhī kar saktā thā

vo to zardār thā ehsān bhī kar saktā thā

itnī āsānī se kaise maiñ use pā letā

ye mire 'ishq kā nuqsān bhī kar saktā thā

jaise-taise nazar-andāz kiyā hai maiñ ne

varna ye vāqi'a hairān bhī kar saktā thā

kis ne sochā thā ki ik shaḳhs thā jo mauj-e-bahār

ek pal meñ mujhe vīrān bhī kar saktā thā

vaqt rahte hī chalo khol liiñ āñkheñ maiñ ne

varna ye ḳhvāb pareshān bhī kar saktā thā

shukr kar maiñ ne faqat nazm kiyā hai tujh ko

maiñ tujhe nazm kā 'unvān bhī kar saktā thā

jab bichhaḌnā hī thā to mil ke bichhaḌnā thā use

vo mirī maut ko āsān bhī kar saktā thā

meri ghurbat ko pasheman bhi kar sakta tha

wo to zardar tha ehsan bhi kar sakta tha

itni aasani se kaise main use pa leta

ye mere 'ishq ka nuqsan bhi kar sakta tha

jaise-taise nazar-andaz kiya hai main ne

warna ye waqi'a hairan bhi kar sakta tha

kis ne socha tha ki ek shaKHs tha jo mauj-e-bahaar

ek pal mein mujhe viran bhi kar sakta tha

waqt rahte hi chalo khol lin aankhen main ne

warna ye KHwab pareshan bhi kar sakta tha

shukr kar main ne faqat nazm kiya hai tujh ko

main tujhe nazm ka 'unwan bhi kar sakta tha

jab bichhaDna hi tha to mil ke bichhaDna tha use

wo meri maut ko aasan bhi kar sakta tha