meri koi tarif nahin hai main waqfon waqfon mein hun
merī koī tārīf nahīñ hai maiñ vaqfoñ vaqfoñ meñ huuñ
jaane kin lamhoñ meñ nahīñ huuñ jaane kin lamhoñ meñ huuñ
baaqī hissa paḌā huā hai jaane kis tārīkī meñ
maiñ bas utnā hī zinda huuñ jis had tak lafzoñ meñ huuñ
sāñsoñ kā aanā jaanā mere hone kī dalīl nahīñ
do sāñsoñ ke biich ḳhalā karne vaale lamhoñ meñ huuñ
muddat guzrī ek ibādat meñ fariyād guzārī thī
maiñ apnī hī zaat ke ghar meñ nā-jā.ez qabzoñ meñ huuñ
vo uslūb kahāñ se hāsil ho jo mujh ko nazm kare
razmiyye kī ek kathā chhoTī chhoTī bahroñ meñ huuñ
meri koi tarif nahin hai main waqfon waqfon mein hun
jaane kin lamhon mein nahin hun jaane kin lamhon mein hun
baqi hissa paDa hua hai jaane kis tariki mein
main bas utna hi zinda hun jis had tak lafzon mein hun
sanson ka aana jaana mere hone ki dalil nahin
do sanson ke bich KHala karne wale lamhon mein hun
muddat guzri ek ibaadat mein fariyaad guzari thi
main apni hi zat ke ghar mein na-jaez qabzon mein hun
wo uslub kahan se hasil ho jo mujh ko nazm kare
razmiyye ki ek katha chhoTi chhoTi bahron mein hun
- Book : mai.n ronaa chaahtaa huu.n (Pg. 17)
- Author : farhat ehsaas
- Publication : sahitya akademi new delhi (2003)
- Edition : 2003
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
