meri raaton ka safar tur nahin ho sakta

merī rātoñ kā safar tuur nahīñ ho saktā

tū na chāhe to bayāñ nuur nahīñ ho saktā

maiñ ne hijrat ke ka.ī daur kaḌe dekhe haiñ

maiñ kitāboñ se kabhī duur nahīñ ho saktā

merī fitrat ki maiñ khil jaatā huuñ be-mausam bhī

merī 'ādat ki maiñ majbūr nahīñ ho saktā

tū ne kis shauq se likkhā hai ta'āruf merā

maiñ kisī lafz meñ mahsūr nahīñ ho saktā

mere andar bhī tire naam kī chingārī hai

tū mire vāste kyuuñ tuur nahīñ ho saktā

jo yahāñ lafz kī sarhad ke udhar rahtā hai

bastiyoñ meñ kabhī mash.hūr nahīñ ho saktā

zinda insāñ use ābād kiyā karte haiñ

ghar kisī ḳhvāb se ma'amūr nahīñ ho saktā

ghar ke bāhar sabhī lafzoñ ke tamāshā.ī haiñ

ghar ke andar koī masrūr nahīñ ho saktā

jism ke saare taqāze haiñ adhūre 'ahmad'

ye tasavvur kabhī bharpūr nahīñ ho saktā

meri raaton ka safar tur nahin ho sakta

tu na chahe to bayan nur nahin ho sakta

main ne hijrat ke kai daur kaDe dekhe hain

main kitabon se kabhi dur nahin ho sakta

meri fitrat ki main khil jata hun be-mausam bhi

meri 'adat ki main majbur nahin ho sakta

tu ne kis shauq se likkha hai ta'aruf mera

main kisi lafz mein mahsur nahin ho sakta

mere andar bhi tere nam ki chingari hai

tu mere waste kyun tur nahin ho sakta

jo yahan lafz ki sarhad ke udhar rahta hai

bastiyon mein kabhi mashhur nahin ho sakta

zinda insan use aabaad kiya karte hain

ghar kisi KHwab se ma'amur nahin ho sakta

ghar ke bahar sabhi lafzon ke tamashai hain

ghar ke andar koi masrur nahin ho sakta

jism ke sare taqaze hain adhure 'ahmad'

ye tasawwur kabhi bharpur nahin ho sakta