meri soch laraz uTThi hai dekh ke pyar ka ye aalam

merī soch laraz uTThī hai dekh ke pyaar kā ye 'ālam

terī āñkhoñ se Tapkā hai aañsū ban kar merā ġham

dil ko naaz hai suljhāv par lekin maiñ ne dekhā hai

suljhāne se aur uljhā hai terī zulf kā ik ik ḳham

din ke bolte hangāme meñ aksar soyā rahtā hai

karvaT le kar jaag uThtā hai raat kī chup meñ terā ġham

hijr ke sañvlā.e lamhoñ meñ aas bhī tanhā chhoḌ ga.ī

kis se pūchhūñ kaun batā.e raat huī hai kitnī kam

terī dhun meñ tujh se bhī shāyad aage jā niklā huuñ maiñ

tere pahlū meñ baiThā huuñ phir bhī āñkheñ haiñ pur-nam

terā ġham ham dīvānoñ ko kis 'ālam meñ chhoḌ gayā

ek zamāna ham se ḳhafā hai ek jahāñ se ham barham

meri soch laraz uTThi hai dekh ke pyar ka ye 'alam

teri aankhon se Tapka hai aansu ban kar mera gham

dil ko naz hai suljhaw par lekin main ne dekha hai

suljhane se aur uljha hai teri zulf ka ek ek KHam

din ke bolte hangame mein aksar soya rahta hai

karwaT le kar jag uThta hai raat ki chup mein tera gham

hijr ke sanwlae lamhon mein aas bhi tanha chhoD gai

kis se puchhun kaun batae raat hui hai kitni kam

teri dhun mein tujh se bhi shayad aage ja nikla hun main

tere pahlu mein baiTha hun phir bhi aankhen hain pur-nam

tera gham hum diwanon ko kis 'alam mein chhoD gaya

ek zamana hum se KHafa hai ek jahan se hum barham