meri ulfat ne kiya un pe asar mere baad

merī ulfat ne kiyā un pe asar mere baad

thāme rahte haiñ vo hāthoñ se jigar mere baad

qadr jaanī na mirī dīda-varī kī tā-zīst

apne se jhuk ga.ī aap un kī nazar mere baad

koī nāqid na rahā jauhar-e-rang-o-bū kā

chāk-dar-chāk haiñ phūloñ ke jigar mere baad

pā-e-raftār meñ tahrīk thī mere dam se

kārvāñ bhuul gayā zauq-e-safar mere baad

raunaq-e-gardish-e-ayyām thī qismat merī

uḌ gayā rang-e-ruḳh-e-shām-o-sahar mere baad

koī dīvāna sar-e-manzil-e-maqsad na rahā

ḳhizr ne tark kiyā azm-e-safar mere baad

haath aatā hai kahīñ mujh sā bhī dīvāna 'sarosh'

Thokareñ khā.egī lailā-e-hunar mere baad

meri ulfat ne kiya un pe asar mere baad

thame rahte hain wo hathon se jigar mere baad

qadr jaani na meri dida-wari ki ta-zist

apne se jhuk gai aap un ki nazar mere baad

koi naqid na raha jauhar-e-rang-o-bu ka

chaak-dar-chaak hain phulon ke jigar mere baad

pa-e-raftar mein tahrik thi mere dam se

karwan bhul gaya zauq-e-safar mere baad

raunaq-e-gardish-e-ayyam thi qismat meri

uD gaya rang-e-ruKH-e-sham-o-sahar mere baad

koi diwana sar-e-manzil-e-maqsad na raha

KHizr ne tark kiya azm-e-safar mere baad

hath aata hai kahin mujh sa bhi diwana 'sarosh'

Thokaren khaegi laila-e-hunar mere baad