mez par rakkhi hui duniya mein KHud ko DhunDhta tha

mez par rakkhī huī duniyā meñ ḳhud ko DhūñDhtā thā

'ilm ke nashshe meñ thā Thokar pe Thokar khā rahā thā

us ne ik vus'at bharī nazroñ se bosa kyā liyā thā

maiñ thā chāroñ samt mere āsmāñ thā aur ḳhudā thā

aañkh ke zindāñ meñ kaaTī maiñ ne mī'ād-e-judā.ī

us ne jab āvāz dī maiñ thak-thakā kar so chukā thā

merī āñkhoñ meñ anokhe rang-o-bū ke zā.iqe the

tere chehre kā namak bhī shahd se mīThā lagā thā

sāz-e-malkūtī safā-zādoñ ne chheḌā thā koī phir

phir pas-e-dīvār-e-girya ek mailā qahqaha thā

us ne apne āsmāñ se nuur kī ḳhairāt bāñTī

merī peshānī kā raushan chāñd varna bujh chukā thā

sab kī dastār-e-fazīlat meñ hazāroñ pech-o-ḳham the

aur hāthoñ meñ apāhij nekiyoñ kā ik 'asā thā

mez par rakkhi hui duniya mein KHud ko DhunDhta tha

'ilm ke nashshe mein tha Thokar pe Thokar kha raha tha

us ne ek wus'at bhari nazron se bosa kya liya tha

main tha chaaron samt mere aasman tha aur KHuda tha

aankh ke zindan mein kaTi main ne mi'ad-e-judai

us ne jab aawaz di main thak-thaka kar so chuka tha

meri aankhon mein anokhe rang-o-bu ke zaiqe the

tere chehre ka namak bhi shahd se miTha laga tha

saz-e-malkuti safa-zadon ne chheDa tha koi phir

phir pas-e-diwar-e-girya ek maila qahqaha tha

us ne apne aasman se nur ki KHairaat banTi

meri peshani ka raushan chand warna bujh chuka tha

sab ki dastar-e-fazilat mein hazaron pech-o-KHam the

aur hathon mein apahij nekiyon ka ek 'asa tha