mir ka soz-e-bayan ho to ghazal hoti hai
'mīr' kā soz-e-bayāñ ho to ġhazal hotī hai
'dāġh' kā lutf-e-zabāñ ho to ġhazal hotī hai
dil to ro.e magar āñkhoñ meñ tabassum jhalke
ye agar rañg-e-fuġhāñ ho to ġhazal hotī hai
dost kī yaad meñ jazbāt pe aatā hai nikhār
hijr kī raat javāñ ho to ġhazal hotī hai
yak nafas-soz se mumkin nahīñ takmīl-e-ġhazal
har-nafas sho.ala-ba-jāñ ho to ġhazal hotī hai
haañ uchaTtī sī nazar bhī hai koī chiiz magar
yahī nashtar rag-e-jāñ ho to ġhazal hotī hai
sādiq-ul-ishq hī ye nukta samajhte haiñ 'sahāb'
husn dil kā nigarāñ ho to ġhazal hotī hai
'mir' ka soz-e-bayan ho to ghazal hoti hai
'dagh' ka lutf-e-zaban ho to ghazal hoti hai
dil to roe magar aankhon mein tabassum jhalke
ye agar rang-e-fughan ho to ghazal hoti hai
dost ki yaad mein jazbaat pe aata hai nikhaar
hijr ki raat jawan ho to ghazal hoti hai
yak nafas-soz se mumkin nahin takmil-e-ghazal
har-nafas shoala-ba-jaan ho to ghazal hoti hai
han uchaTti si nazar bhi hai koi chiz magar
yahi nashtar rag-e-jaan ho to ghazal hoti hai
sadiq-ul-ishq hi ye nukta samajhte hain 'sahab'
husn dil ka nigaran ho to ghazal hoti hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
