mil gai dil ko rihai hijr ki zanjir se

mil ga.ī dil ko rihā.ī hijr kī zanjīr se

aa ga.e haiñ vo agarche aa.e haiñ tāḳhīr se

dekh kar hañste haiñ saare bām-o-dar rangat mirī

karne lagtī huuñ maiñ bāteñ jab tirī tasvīr se

maiñ ne sochā thā kisī par khul na pā.eñge magar

raaz mere khul ga.e haiñ sab mirī tahrīr se

kyā milā tum ko vafā se dard-e-paiham ke sivā

mudda'ā ye pūchhnā hai mujh ko mil kar hiir se

ghar milā kuchh ko kisī ko māl-o-daulat mil ga.ī

mere sar dastār aa.ī baap kī jāgīr se

ik sabaq ham ne paḌhā hai 'ishq kī tafsīr kā

'ġhālib'-o-'saudā'-o-'momin' aur 'dard'-o-'mīr' se

us se bāteñ kar ke mujh ko bārhā aisā lagā

jaise bāteñ kar rahī thī maiñ khulī shamshīr se

jis se milnā hī nahīñ thā us se milnā kyoñ likhā

bas yahī shikva mujhe hai kātib-e-taqdīr se

TūTtā ho ghar kisī kā gar tumhāre ḳhvāb se

TūTnā behtar hai aise ḳhvāb kā tā'bīr se

har koī girya-kunāñ hai dekh kar ronā mirā

har taraf hai dard mere dard kī tāsīr se

kirchiyāñ itnī huī haiñ mere ḳhvāboñ kī 'sahar'

ḳhuun ristā hai musalsal is dil-e-naḳhchīr se

mil gai dil ko rihai hijr ki zanjir se

aa gae hain wo agarche aae hain taKHir se

dekh kar hanste hain sare baam-o-dar rangat meri

karne lagti hun main baaten jab teri taswir se

main ne socha tha kisi par khul na paenge magar

raaz mere khul gae hain sab meri tahrir se

kya mila tum ko wafa se dard-e-paiham ke siwa

mudda'a ye puchhna hai mujh ko mil kar hir se

ghar mila kuchh ko kisi ko mal-o-daulat mil gai

mere sar dastar aai bap ki jagir se

ek sabaq hum ne paDha hai 'ishq ki tafsir ka

'ghaalib'-o-'sauda'-o-'momin' aur 'dard'-o-'mir' se

us se baaten kar ke mujh ko barha aisa laga

jaise baaten kar rahi thi main khuli shamshir se

jis se milna hi nahin tha us se milna kyon likha

bas yahi shikwa mujhe hai katib-e-taqdir se

TuTta ho ghar kisi ka gar tumhaare KHwab se

TuTna behtar hai aise KHwab ka ta'bir se

har koi girya-kunan hai dekh kar rona mera

har taraf hai dard mere dard ki tasir se

kirchiyan itni hui hain mere KHwabon ki 'sahar'

KHun rista hai musalsal is dil-e-naKHchir se