mil jae aman duniya mein pal bhar nahin lagta

mil jaa.e amaañ duniyā meñ pal bhar nahīñ lagtā

pā jaa.eñ sukūñ dā.imī mar kar nahīñ lagtā

paanī kī talab laa.ī kahāñ se ye kahāñ pe

sahrā sā to lagtā hai ye sāgar nahīñ lagtā

is kūcha-e-dilbar meñ ye kyā ḳhaak uḌī hai

vo to nahīñ us kā koī ham-sar nahīñ lagtā

ik roz na mil paa.eñ guzārā nahīñ hotā

har roz hī milte haiñ ye mil kar nahīñ lagtā

har din kī tarah din bhī ye kaaTe se kaTegā

ye shab bhī guzar jā.egī aksar nahīñ lagtā

kuchh din se ajab be-kalī ghere hai tasavvur

kuchh din se mujhe apnā hī ghar ghar nahīñ lagtā

mil jae aman duniya mein pal bhar nahin lagta

pa jaen sukun daimi mar kar nahin lagta

pani ki talab lai kahan se ye kahan pe

sahra sa to lagta hai ye sagar nahin lagta

is kucha-e-dilbar mein ye kya KHak uDi hai

wo to nahin us ka koi ham-sar nahin lagta

ek roz na mil paen guzara nahin hota

har roz hi milte hain ye mil kar nahin lagta

har din ki tarah din bhi ye kaTe se kaTega

ye shab bhi guzar jaegi aksar nahin lagta

kuchh din se ajab be-kali ghere hai tasawwur

kuchh din se mujhe apna hi ghar ghar nahin lagta