mil jae gham-e-jaanan jis ko kuchh usko gham-o-alam nahin

mil jaa.e ġham-e-jānāñ jis ko kuchh us ko ġham-o-ālām nahīñ

ye ġham hai vo ġham jis se baḌh kar duniyā meñ koī ārām nahīñ

ārām se ham ko kyā nisbat hai azm javāñ a.alā himmat

manzil pe pahuñch kar dam leñge yā sub.h nahīñ yā shaam nahīñ

mai-nosh to huuñ mad.hosh nahīñ ye bhī to hai pās-e-husn-e-adab

mahfil meñ hai jām-o-mīnā bhī gardish meñ magar gulfām nahīñ

ham ahl-e-junūñ kī mahfil meñ kuchh ahl-e-ḳhirad bhī haiñ lekin

vo hosh kī bāteñ karte haiñ yaañ hosh kā koī kaam nahīñ

maqdūr kā sab ko miltā hai kyoñ fikr kareñ is kī 'ḳhālid'

haañ fikr-e-abad to lāzim hai taqdīr pe ye ilzām nahīñ

mil jae gham-e-jaanan jis ko kuchh us ko gham-o-alam nahin

ye gham hai wo gham jis se baDh kar duniya mein koi aaram nahin

aaram se hum ko kya nisbat hai azm jawan aala himmat

manzil pe pahunch kar dam lenge ya subh nahin ya sham nahin

mai-nosh to hun madhosh nahin ye bhi to hai pas-e-husn-e-adab

mahfil mein hai jam-o-mina bhi gardish mein magar gulfam nahin

hum ahl-e-junun ki mahfil mein kuchh ahl-e-KHirad bhi hain lekin

wo hosh ki baaten karte hain yan hosh ka koi kaam nahin

maqdur ka sab ko milta hai kyon fikr karen is ki 'KHalid'

han fikr-e-abad to lazim hai taqdir pe ye ilzam nahin