mila hai kaisa tere eatibar ka mausam

milā hai kaisā tire e.atibār kā mausam

ki jaise chāroñ taraf hai bahār kā mausam

utartī jaatī haiñ khetoñ meñ yaad kī chiḌiyāñ

nikhar rahā hai mire sabza-zār kā mausam

kuchh aise mauj-e-sabā ne chhuā hai gāloñ ko

ki dil meñ khilne lagā barg-o-bār kā mausam

na.ī rutoñ meñ maleñge usī jagah ham tum

sañbhāl rakhnā mire yaar pyaar kā mausam

nikhartī dhuup thī ujle the mere shām-o-sahar

kahāñ se aaya hai gard-o-ġhubār kā mausam

abhī to ujlā hai āñgan gulāb taaza haiñ

guzar hī jaa.e na qaul-o-qarār kā mausam

kuchh aur koñpleñ phūTeñgī phuul ā.eñge

nayā nayā hai abhī shāḳh-sār kā mausam

har ek shāḳh pe chāñdī hai khil rahī ehsān

guloñ pe aayā hai sola-siñghār kā mausam

mila hai kaisa tere eatibar ka mausam

ki jaise chaaron taraf hai bahaar ka mausam

utarti jati hain kheton mein yaad ki chiDiyan

nikhar raha hai mere sabza-zar ka mausam

kuchh aise mauj-e-saba ne chhua hai galon ko

ki dil mein khilne laga barg-o-bar ka mausam

nai ruton mein malenge usi jagah hum tum

sanbhaal rakhna mere yar pyar ka mausam

nikharti dhup thi ujle the mere sham-o-sahar

kahan se aaya hai gard-o-ghubar ka mausam

abhi to ujla hai aangan gulab taza hain

guzar hi jae na qaul-o-qarar ka mausam

kuchh aur konplen phuTengi phul aaenge

naya naya hai abhi shaKH-sar ka mausam

har ek shaKH pe chandi hai khil rahi ehsan

gulon pe aaya hai sola-singhaar ka mausam