mila ke hath dilon mein kashidgi rakhna
milā ke haath diloñ meñ kashīdgī rakhnā
kahāñ kā zarf hai chāhat meñ dushmanī rakhnā
maiñ DhūñD lūñgā añdheroñ meñ rāsta apnā
tum apne ghar ke darīche meñ raushnī rakhnā
pighal na jaa.e kahīñ lams kī harārat se
tum aa.ine ko zarā ḳhud se duur hī rakhnā
tumheñ qasam hai mire e'tibār kī ḳhātir
milo kisī se to lahje meñ tāzgī rakhnā
mire dukhoñ ko samajhnā muhāl hai 'sābir'
ki maiñ ne siikh liyā zer-e-lab hañsī rakhnā
mila ke hath dilon mein kashidgi rakhna
kahan ka zarf hai chahat mein dushmani rakhna
main DhunD lunga andheron mein rasta apna
tum apne ghar ke dariche mein raushni rakhna
pighal na jae kahin lams ki hararat se
tum aaine ko zara KHud se dur hi rakhna
tumhein qasam hai mere e'tibar ki KHatir
milo kisi se to lahje mein tazgi rakhna
mere dukhon ko samajhna muhaal hai 'sabir'
ki main ne sikh liya zer-e-lab hansi rakhna
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.