mila kisi se na achchha laga suKHan is bar

milā kisī se na achchhā lagā suḳhan is baar

banā hai lāshoñ ke a.azā se ye badan is baar

sunā hai tīnoñ ruteñ saath saath ā.eñgī

qamīs Daal ke niklūñ khule baTan is baar

havā kī maut se Dole na qatl-e-āb se ham

tamām chīzoñ pe bhārī paḌī thakan is baar

bahut se shahr bahut sī fazā bahut se log

magar hai sab meñ koī bū koī saḌan is baar

chhupā.ūñ ruuh ko kyuuñ tan se tan ko kapḌoñ se

utaar kyuuñ na chalūñ saare pairahan is baar

ḳhalā kī aag to 'tafzīl' ne bujhā.ī magar

zamīñ pe vo nahīñ girtā hai carbon is baar

mila kisi se na achchha laga suKHan is bar

bana hai lashon ke aaza se ye badan is bar

suna hai tinon ruten sath sath aaengi

qamis Dal ke niklun khule baTan is bar

hawa ki maut se Dole na qatl-e-ab se hum

tamam chizon pe bhaari paDi thakan is bar

bahut se shahr bahut si faza bahut se log

magar hai sab mein koi bu koi saDan is bar

chhupaun ruh ko kyun tan se tan ko kapDon se

utar kyun na chalun sare pairahan is bar

KHala ki aag to 'tafzil' ne bujhai magar

zamin pe wo nahin girta hai carbon is bar