milao us se ke jis ka usul ho mujh sa

milāo us se ke jis kā usuul ho mujh sā

agar na aisā mile to juhūl ho mujh sā

sabhī se mil lo zamāne meñ DhūñD lo lekin

nahīñ milegā chaman meñ jo phuul ho mujh sā

mizāj miltā nahīñ ab kisī se merā yahāñ

ḳhudā nuzūl kare jo malūl ho mujh sā

mujhe girā ke nazar se tumheñ lagā hogā

nahīñ hai koī yahāñ jo fuzūl ho mujh sā

hasīn lagte the jin ko nahīñ rahe ab vo

nahīñ hai koī jise ab qubūl ho mujh sā

maiñ jin ko mil na sakā un ke vāste ye duā

qubūl kar le ḳhudā aur nuzūl ho mujh sā

milao us se ke jis ka usul ho mujh sa

agar na aisa mile to juhul ho mujh sa

sabhi se mil lo zamane mein DhunD lo lekin

nahin milega chaman mein jo phul ho mujh sa

mizaj milta nahin ab kisi se mera yahan

KHuda nuzul kare jo malul ho mujh sa

mujhe gira ke nazar se tumhein laga hoga

nahin hai koi yahan jo fuzul ho mujh sa

hasin lagte the jin ko nahin rahe ab wo

nahin hai koi jise ab qubul ho mujh sa

main jin ko mil na saka un ke waste ye dua

qubul kar le KHuda aur nuzul ho mujh sa