mile hain dost purane chalo sharab piyen

mile haiñ dost purāne chalo sharāb piyeñ

raheñ na hosh Thikāne chalo sharāb piyeñ

sharāb piine kī dāvat tamām shahr ko hai

suno falāne falāne chalo sharāb piyeñ

vo din ki jis meñ mohabbat javān hotī hai

phir aa.e din vo suhāne chalo sharāb piyeñ

sharāb piine kī aadat bahāne DhūñDhtī hai

ḳhushī ke ġham ke bahāne chalo sharāb piyeñ

ḳhushī kā bojh to aañsū bahā ke halkā ho

ġhamoñ kā bojh uThāne chalo sharāb piyeñ

tumhārī āñkhoñ kī mai mai-kade se achchhī hai

ye imtiyāz jatāne chalo sharāb piyeñ

baḌe jatan se kisī bevafā ne dil toḌā

ab us kā jashn manāne chalo sharāb piyeñ

sharāb-e-ishq pe fatvā hai to rahā aa.e

ye dil kisī kī na maane chalo sharāb piyeñ

hai un kī āñkhoñ meñ 'rāshid' sharāb-e-bedārī

maze se hosh meñ aane chalo sharāb piyeñ

mile hain dost purane chalo sharab piyen

rahen na hosh Thikane chalo sharab piyen

sharab pine ki dawat tamam shahr ko hai

suno falane falane chalo sharab piyen

wo din ki jis mein mohabbat jawan hoti hai

phir aae din wo suhane chalo sharab piyen

sharab pine ki aadat bahane DhunDhti hai

KHushi ke gham ke bahane chalo sharab piyen

KHushi ka bojh to aansu baha ke halka ho

ghamon ka bojh uThane chalo sharab piyen

tumhaari aankhon ki mai mai-kade se achchhi hai

ye imtiyaz jatane chalo sharab piyen

baDe jatan se kisi bewafa ne dil toDa

ab us ka jashn manane chalo sharab piyen

sharab-e-ishq pe fatwa hai to raha aae

ye dil kisi ki na mane chalo sharab piyen

hai un ki aankhon mein 'rashid' sharab-e-bedari

maze se hosh mein aane chalo sharab piyen