mile hain zaKHm jo in se use sajaunga

mile haiñ zaḳhm jo in se use sajā.ūñgā

maiñ ab kisī ko bhī paa.el nahīñ dilā.ūñgā

tumhāre naam ke aage likhā thā naam mirā

maiñ apne hāthoñ se is ko abhī miTā.ūñgā

kaho ye us se ki kar le nikāh chāhat se

maiñ ab kisī ko bhī dul.han nahīñ banā.ūñgā

sameT rakkhā hai bāhoñ meñ us ko merī tarah

ye fan to ab maiñ kisī ko nahīñ sikhā.ūñgā

chalā gayā hai jo ġhairoñ kī baat sun ke use

maiñ kis mizāj se vāpas use bulā.ūñgā

vo ho chuke the kisī aur ke qarīb qarīb

samajh rahe the maiñ ye bhī samajh na pā.ūñgā

lagegā sab ko ki maiñ ne hī us ko chhoḌā hai

maiñ is tarah se zamāne ko sab batā.ūñgā

mile hain zaKHm jo in se use sajaunga

main ab kisi ko bhi pael nahin dilaunga

tumhaare nam ke aage likha tha nam mera

main apne hathon se is ko abhi miTaunga

kaho ye us se ki kar le nikah chahat se

main ab kisi ko bhi dulhan nahin banaunga

sameT rakkha hai bahon mein us ko meri tarah

ye fan to ab main kisi ko nahin sikhaunga

chala gaya hai jo ghairon ki baat sun ke use

main kis mizaj se wapas use bulaunga

wo ho chuke the kisi aur ke qarib qarib

samajh rahe the main ye bhi samajh na paunga

lagega sab ko ki main ne hi us ko chhoDa hai

main is tarah se zamane ko sab bataunga