mile safar mein jo karb-o-malal puchhega

mile safar meñ jo karb-o-malāl pūchhegā

gale lagā ke koī merā haal pūchhegā

nahīñ hai dil meñ agar kuchh malāl pūchhegā

to kaise aaya ye shīshe meñ baal pūchhegā

dil-e-tabāh kī betābiyoñ ke baare meñ

batāo kyā hai tumhārā ḳhayāl pūchhegā

sikhā diyā thā bahalnā jinhoñ ne ḳhvāboñ se

kahāñ ga.e vo hasīñ māh-o-sāl pūchhegā

javāb de na sakūñ apnī palkeñ nam kar luuñ

vo jān-būjh kar aise savāl pūchhegā

zarā sī baat ko dil se lagā ke ai 'sīmā'

liyā hai sar pe ye kaisā vabāl pūchhegā

mile safar mein jo karb-o-malal puchhega

gale laga ke koi mera haal puchhega

nahin hai dil mein agar kuchh malal puchhega

to kaise aaya ye shishe mein baal puchhega

dil-e-tabah ki betabiyon ke bare mein

batao kya hai tumhaara KHayal puchhega

sikha diya tha bahalna jinhon ne KHwabon se

kahan gae wo hasin mah-o-sal puchhega

jawab de na sakun apni palken nam kar lun

wo jaan-bujh kar aise sawal puchhega

zara si baat ko dil se laga ke ai 'sima'

liya hai sar pe ye kaisa wabaal puchhega