mili hai rah-e-mohabbat mein eatibar ki chhanw

milī hai rāh-e-mohabbat meñ e.atibār kī chhāñv

sulagte sahrā meñ hai saath tere pyaar kī chhāñv

vo terī zulf-e-girah-gīr kā ghanā saaya

ḳhizāñ meñ aane lagī yaad vo bahār kī chhāñv

tirī vafā ne vafā kī nahīñ isī ġham meñ

tire ḳhutūt ko denī paḌī ġhubār kī chhāñv

jo terī zaat kī hamd-o-sanā se hai mansūb

mujhe nasīb ho maulā usī dayār kī chhāñv

sitamgaroñ pe chalī aur ban ga.ī muḳhlis

sitam-rasīda pe shamshīr-e-āb-dār kī chhāñv

ye aisā peḌ hai jo aag hī ugaltā hai

hameñ nasīb kahāñ hizb-e-iqtidār kī chhāñv

huuñ sūkhā peḌ tirī rahguzar kā ai 'mahshar'

so de rahā huuñ tujhe mere iḳhtiyār kī chhāñv

mili hai rah-e-mohabbat mein eatibar ki chhanw

sulagte sahra mein hai sath tere pyar ki chhanw

wo teri zulf-e-girah-gir ka ghana saya

KHizan mein aane lagi yaad wo bahaar ki chhanw

teri wafa ne wafa ki nahin isi gham mein

tere KHutut ko deni paDi ghubar ki chhanw

jo teri zat ki hamd-o-sana se hai mansub

mujhe nasib ho maula usi dayar ki chhanw

sitamgaron pe chali aur ban gai muKHlis

sitam-rasida pe shamshir-e-ab-dar ki chhanw

ye aisa peD hai jo aag hi ugalta hai

hamein nasib kahan hizb-e-iqtidar ki chhanw

hun sukha peD teri rahguzar ka ai 'mahshar'

so de raha hun tujhe mere iKHtiyar ki chhanw