mili jo dil ko KHushi to KHushi se ghabrae

milī jo dil ko ḳhushī to ḳhushī se ghabrā.e

ham ajnabī kī tarah zindagī se ghabrā.e

vo aur kuchh hai magar kā.enāt-e-hosh nahīñ

ik aadmī hī agar aadmī se ghabrā.e

kabhī kabhī to tirī dostī meñ ham ai dost

ḳhud apne ālam-e-āvārgī se ghabrā.e

jalā liye haiñ usī vaqt āñsuoñ ke charāġh

shab-e-firāq meñ jab tīrgī se ghabrā.e

vahī to bazm se saaqī kī uTh ga.e mahrūm

jo mai-kade meñ kabhī tishnagī se ghabrā.e

fareb-e-gesū-e-pur-ḳham ho yā ho shām-e-hayāt

vo shams kyā ki kisī tīrgī se ghabrā.e

mili jo dil ko KHushi to KHushi se ghabrae

hum ajnabi ki tarah zindagi se ghabrae

wo aur kuchh hai magar kaenat-e-hosh nahin

ek aadmi hi agar aadmi se ghabrae

kabhi kabhi to teri dosti mein hum ai dost

KHud apne aalam-e-awargi se ghabrae

jala liye hain usi waqt aansuon ke charagh

shab-e-firaq mein jab tirgi se ghabrae

wahi to bazm se saqi ki uTh gae mahrum

jo mai-kade mein kabhi tishnagi se ghabrae

fareb-e-gesu-e-pur-KHam ho ya ho sham-e-hayat

wo shams kya ki kisi tirgi se ghabrae