milne ka bhi aaKHir koi imkan banate
milne kā bhī āḳhir koī imkān banāte
mushkil thī agar koī to āsān banāte
rakhte kahīñ khiḌkī kahīñ gul-dān banāte
dīvār jahāñ hai vahāñ dālān banāte
thoḌī hai bahut ek masāfat ko ye duniyā
kuchh aur safar kā sar-o-sāmān banāte
karte kahīñ ehsās ke phūloñ kī numā.ish
ḳhvāboñ se nikalte koī vijdān banāte
tasvīr banāte jo ham is shoḳh-adā kī
lāzim thā ki muskān hī muskān banāte
us jism ko kuchh aur sameTā huā rakhte
zulfoñ ko zarā aur pareshān banāte
kuchh din ke liye kaam se fursat hameñ miltī
kuchh din ke liye ḳhud ko bhī mehmān banāte
do jism kabhī ek badan ho nahīñ sakte
miltī jo koī ruuh to yak jaan banāte
milne ka bhi aaKHir koi imkan banate
mushkil thi agar koi to aasan banate
rakhte kahin khiDki kahin gul-dan banate
diwar jahan hai wahan dalan banate
thoDi hai bahut ek masafat ko ye duniya
kuchh aur safar ka sar-o-saman banate
karte kahin ehsas ke phulon ki numaish
KHwabon se nikalte koi wijdan banate
taswir banate jo hum is shoKH-ada ki
lazim tha ki muskan hi muskan banate
us jism ko kuchh aur sameTa hua rakhte
zulfon ko zara aur pareshan banate
kuchh din ke liye kaam se fursat hamein milti
kuchh din ke liye KHud ko bhi mehman banate
do jism kabhi ek badan ho nahin sakte
milti jo koi ruh to yak jaan banate
- Book : Gumname aadmi ka bayan (Pg. 64)
- Author : Fazil Jamili
- Publication : Bazm-e-ifkar Publications (2017)
- Edition : 2017
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
