milte jo rahe sab ne kaha id mubarak

milte jo rahe sab ne kahā 'iid mubārak

par us kī thā āñkhoñ meñ judā 'iid mubārak

bachchoñ ke jo hāthoñ pe suhānī sī mahak hai

hañste hue kahtī hai hinā 'iid mubārak

kuchh shaiḳh ne garmāyā hai īmān bhī aise

kahne lagī sho'loñ se havā 'iid mubārak

kaliyāñ thiiñ javāñ aur hayā rasm-e-gulistāñ

phūloñ ne bhī bhañvaroñ se kahā 'iid mubārak

chamkī haiñ ziyā-bār mah-e-nau se dishā.eñ

zarroñ se bhī kahtī hai fazā 'iid mubārak

phūloñ ne jo pahnī thiiñ tabassum kī qabā.eñ

kahne lagī ḳhushbū se sabā 'iid mubārak

milne kā 'shahāb' us kā irāda to nahīñ thā

rasman hī milā mujh se kahā 'iid mubārak

milte jo rahe sab ne kaha 'id mubarak

par us ki tha aankhon mein juda 'id mubarak

bachchon ke jo hathon pe suhani si mahak hai

hanste hue kahti hai hina 'id mubarak

kuchh shaiKH ne garmaya hai iman bhi aise

kahne lagi sho'lon se hawa 'id mubarak

kaliyan thin jawan aur haya rasm-e-gulistan

phulon ne bhi bhanwaron se kaha 'id mubarak

chamki hain ziya-bar mah-e-nau se dishaen

zarron se bhi kahti hai faza 'id mubarak

phulon ne jo pahni thin tabassum ki qabaen

kahne lagi KHushbu se saba 'id mubarak

milne ka 'shahab' us ka irada to nahin tha

rasman hi mila mujh se kaha 'id mubarak