milti hai nazar un se to kho jate hain hum aur
milti hai nazar un se to kho jate hain hum aur
Moghisuddin Fareedi
MORE BYMoghisuddin Fareedi
miltī hai nazar un se to kho jaate haiñ ham aur
manzil ke qarīb aa ke bahakte haiñ qadam aur
maare hue haiñ kashmakash-e-vahm-o-yaqīñ ke
TuuTe hue har but se tarāshe haiñ sanam aur
ye baat samajhte hī nahīñ hazrat-e-nāseh
siltā hai agar chaak to khultā hai bharam aur
tadbīr kā har naqsh dil-āvez hai lekin
hai kātib-e-taqdīr kā andāz-e-raqam aur
jazbāt pe mohreñ na lagī haiñ na lageñgī
hotī hai zabāñ band to chaltā hai qalam aur
shāyad ye sila tark-e-talab kā hai 'farīdī'
baḌhtī hī ga.ī vus.at-e-dāmān-karam aur
milti hai nazar un se to kho jate hain hum aur
manzil ke qarib aa ke bahakte hain qadam aur
mare hue hain kashmakash-e-wahm-o-yaqin ke
TuTe hue har but se tarashe hain sanam aur
ye baat samajhte hi nahin hazrat-e-naseh
silta hai agar chaak to khulta hai bharam aur
tadbir ka har naqsh dil-awez hai lekin
hai katib-e-taqdir ka andaz-e-raqam aur
jazbaat pe mohren na lagi hain na lagengi
hoti hai zaban band to chalta hai qalam aur
shayad ye sila tark-e-talab ka hai 'faridi'
baDhti hi gai wusat-e-daman-karam aur
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
