ab ke bhi sair-e-bagh ki ji mein hawas rahi

ab ke bhī sair-e-bāġh kī jī meñ havas rahī

apnī jagah bahār meñ kunj-e-qafas rahī

maiñ pā-shikasta jā na sakā qāfile talak

aatī agarche der sadā-e-jaras rahī

lutf-e-qabā-e-tañg pe gul kā bajā hai naaz

dekhī nahīñ hai un ne tirī cholī chas rahī

din-rāt merī āñkhoñ se aañsū chale ga.e

barsāt ab ke shahr meñ saare baras rahī

ḳhālī shaguftagī se jarāhat nahīñ koī

har zaḳhm yaañ hai jaise kalī ho box rahī

dīvāngī kahāñ ki garebāñ se tañg huuñ

gardan mirī hai tauq meñ goyā ki phañs rahī

joñ sub.h is chaman meñ na ham khul ke hañs sake

fursat rahī jo 'mīr' bhī so yak-nafas rahī

ab ke bhi sair-e-bagh ki ji mein hawas rahi

apni jagah bahaar mein kunj-e-qafas rahi

main pa-shikasta ja na saka qafile talak

aati agarche der sada-e-jaras rahi

lutf-e-qaba-e-tang pe gul ka baja hai naz

dekhi nahin hai un ne teri choli chas rahi

din-raat meri aankhon se aansu chale gae

barsat ab ke shahr mein sare baras rahi

KHali shaguftagi se jarahat nahin koi

har zaKHm yan hai jaise kali ho box rahi

diwangi kahan ki gareban se tang hun

gardan meri hai tauq mein goya ki phans rahi

jon subh is chaman mein na hum khul ke hans sake

fursat rahi jo 'mir' bhi so yak-nafas rahi