dil ke mamure ki mat kar fikr fursat chahiye

dil ke māmūre kī mat kar fikr fursat chāhiye

aise vīrāne ke ab basne ko muddat chāhiye

ishq-o-mai-ḳhvārī nibhe hai koī darveshī ke beach

is tarah ke ḳharj-e-lā-hāsil ko daulat chāhiye

āqibat farhād mar kar kaam apnā kar gayā

aadmī hove kisī peshe meñ jur.at chāhiye

ho taraf mujh pahlvāñ shā.er kā kab aajiz suḳhan

sāmne hone ko sāhab fan ke qudrat chāhiye

ishq meñ vasl-o-judā.ī se nahīñ kuchh guftugū

qurb-o-bād us jā barābar hai mohabbat chāhiye

nāzukī ko ishq meñ kyā daḳhl hai ai bul-havas

yaañ sa.ūbat khīñchne ko jī meñ tāqat chāhiye

tañg mat ho ibtidā-e-āshiqī meñ is qadar

ḳhairiyat hai 'mīr' sāhib-e-dil salāmat chāhiye

dil ke mamure ki mat kar fikr fursat chahiye

aise virane ke ab basne ko muddat chahiye

ishq-o-mai-KHwari nibhe hai koi darweshi ke beach

is tarah ke KHarj-e-la-hasil ko daulat chahiye

aaqibat farhad mar kar kaam apna kar gaya

aadmi howe kisi peshe mein jurat chahiye

ho taraf mujh pahlwan shaer ka kab aajiz suKHan

samne hone ko sahab fan ke qudrat chahiye

ishq mein wasl-o-judai se nahin kuchh guftugu

qurb-o-baad us ja barabar hai mohabbat chahiye

nazuki ko ishq mein kya daKHl hai ai bul-hawas

yan saubat khinchne ko ji mein taqat chahiye

tang mat ho ibtida-e-ashiqi mein is qadar

KHairiyat hai 'mir' sahib-e-dil salamat chahiye