mera kya hai meri har chiz to mangi hui hai

mirā kyā hai mirī har chiiz to māñgī huī hai

ye 'izzat tak mire kuchh dostoñ kī dī huī hai

dhuāñ uThne na lag jaa.e charāġh-e-dil bujhā do

fazā-e-dīda-o-dil par namī Thahrī huī hai

añdheroñ kī nigahbānī meñ haiñ saare ujāle

fasīl-e-shahr par jo raushnī bikhrī huī hai

na jaane kaun thā jo raat bhar royā lipaT kar

udāsī ab bhī is dīvār se lipTī huī hai

ye duniyā yuuñ mujhe rote hue miltī hai aksar

ki jaise ye bhī apne yaar se bichhḌī huī hai

sukūñ se jazb kar lo regzāroñ kī ḳhamoshī

havā-e-dasht bas kuchh der ko Thahrī huī hai

ijāzat kis liye ai maut luuñ tere liye maiñ

mire kis faisle par zindagī raazī huī hai

ye vīrāna mirā hai aur baaqī sab hai us kā

ye duniyā us ne shart-e-'ishq par bāñTī huī hai

nikalnā ho tujhe ai ruuh to jaldī nikal jā

ki mere jism kī bastī abhī soī huī hai

tire andar judā ho kuchh to mujh ko vo dikhā tū

ye jo bāhar kī duniyā hai mirī dekhī huī hai

mera kya hai meri har chiz to mangi hui hai

ye 'izzat tak mere kuchh doston ki di hui hai

dhuan uThne na lag jae charagh-e-dil bujha do

faza-e-dida-o-dil par nami Thahri hui hai

andheron ki nigahbani mein hain sare ujale

fasil-e-shahr par jo raushni bikhri hui hai

na jaane kaun tha jo raat bhar roya lipaT kar

udasi ab bhi is diwar se lipTi hui hai

ye duniya yun mujhe rote hue milti hai aksar

ki jaise ye bhi apne yar se bichhDi hui hai

sukun se jazb kar lo regzaron ki KHamoshi

hawa-e-dasht bas kuchh der ko Thahri hui hai

ijazat kis liye ai maut lun tere liye main

mere kis faisle par zindagi raazi hui hai

ye virana mera hai aur baqi sab hai us ka

ye duniya us ne shart-e-'ishq par banTi hui hai

nikalna ho tujhe ai ruh to jaldi nikal ja

ki mere jism ki basti abhi soi hui hai

tere andar juda ho kuchh to mujh ko wo dikha tu

ye jo bahar ki duniya hai meri dekhi hui hai