mera to waqt ghar se kuch hi ka hai

mirā to vaqt ghar se kuuch hī kā hai

savāl saare ghar kī zindagī kā hai

yahāñ to dostī nibhe na dushmanī

zamīñ hai jis kī āsmāñ usī kā hai

taras na jaa.e raqs-o-ram ko bhī kahīñ

vo dasht jis pe saaya aadmī kā hai

jo din na guzre vo bhī din guzārnā

hamārā kyā ye sāneha sabhī kā hai

ye imtihāñ garāñ hai aur bahut garāñ

magar ye karb to kabhī kabhī kā hai

mire shikast-jū shikast khā ga.e

ḳhamosh huuñ ki din hī ḳhāmushī kā hai

har ibtidā ko intihā kā hai gumāñ

har intihā ko ġham kisī kamī kā hai

mera to waqt ghar se kuch hi ka hai

sawal sare ghar ki zindagi ka hai

yahan to dosti nibhe na dushmani

zamin hai jis ki aasman usi ka hai

taras na jae raqs-o-ram ko bhi kahin

wo dasht jis pe saya aadmi ka hai

jo din na guzre wo bhi din guzarna

hamara kya ye saneha sabhi ka hai

ye imtihan garan hai aur bahut garan

magar ye karb to kabhi kabhi ka hai

mere shikast-ju shikast kha gae

KHamosh hun ki din hi KHamushi ka hai

har ibtida ko intiha ka hai guman

har intiha ko gham kisi kami ka hai