mere apne ne hi ek ajnabi ka rup dhaara hai
mere apne ne hi ek ajnabi ka rup dhaara hai
Mirza Zafarullah Zafar
MORE BYMirza Zafarullah Zafar
mire apne ne hī ik ajnabī kā ruup dhārā hai
baḌā dilchasp manzar hai baḌā dilkash nazārā hai
baḌī chāhat se zer-e-lab jise maiñ ne pukārā hai
mire dil kā sukūñ hai vo mirī āñkhoñ kā taarā hai
shab-e-ġham aur maiñ ik dūsre ko chhoḌ deñ kaise
mujhe us kā sahārā hai use merā sahārā hai
miTā deñ āñdhiyāñ ruḳhsār-e-gul se gard ko jaise
zamāne ke havādis ne mujhe aise nikhārā hai
balā kī dhuup ho āñdhī ho yā tūfān aane do
ki sadiyoñ se lage būḌhe shajar ko sab gavārā hai
use palkoñ pe rakkhūñgā use dil meñ basā.ūñgā
'zafar' jo phuul sā chehra mujhe ḳhud se bhī pyārā hai
mere apne ne hi ek ajnabi ka rup dhaara hai
baDa dilchasp manzar hai baDa dilkash nazara hai
baDi chahat se zer-e-lab jise main ne pukara hai
mere dil ka sukun hai wo meri aankhon ka tara hai
shab-e-gham aur main ek dusre ko chhoD den kaise
mujhe us ka sahaara hai use mera sahaara hai
miTa den aandhiyan ruKHsar-e-gul se gard ko jaise
zamane ke hawadis ne mujhe aise nikhaara hai
bala ki dhup ho aandhi ho ya tufan aane do
ki sadiyon se lage buDhe shajar ko sab gawara hai
use palkon pe rakkhunga use dil mein basaunga
'zafar' jo phul sa chehra mujhe KHud se bhi pyara hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
