mere azizo tumhein sunaun wo haal apna jo chal raha hai

mire azīzo tumheñ sunā.ūñ vo haal apnā jo chal rahā hai

ḳhamoshiyoñ ke hasīn jhurmuT meñ dam hamārā nikal rahā hai

sabhī dalīleñ huiiñ haiñ nāqis hai ḳhuuñ se lat-pat har ek manzar

har ek a.alā zahīn-o-dānish qadam qadam pe sañbhal rahā hai

ajab fazāoñ kā ruḳh huā hai zamīñ kī chādar sarak chukī hai

qadam jahāñ pe maiñ rakh rahā huuñ vahīñ se laavā nikal rahā hai

ye ahd-e-hāzir kī hai haqīqat ki āsmāñ kī ināyateñ haiñ

zamīñ pe eḌī ragaḌ rahā huuñ lahūñ kā chashma ubal rahā hai

mujassamoñ kī ḳhamosh āñkhoñ se ḳhuuñ Tapakne kī hai alāmat

mirī ġhazal kā nafīs lahja bhī saḳht nauhe meñ Dhal rahā hai

ye sūkhe peḌoñ ke zard patte mirī tabāhī pe hans rahe haiñ

unheñ ḳhabar kyā ki rafta-rafta samay kā sūraj pighal rahā hai

hayāt ke us muāmle ko bayān karnā bhī hai zarūrī

jabhī se 'ālam' samajh meñ aayā tabhī se chashma badal rahā hai

mere azizo tumhein sunaun wo haal apna jo chal raha hai

KHamoshiyon ke hasin jhurmuT mein dam hamara nikal raha hai

sabhi dalilen huin hain naqis hai KHun se lat-pat har ek manzar

har ek aala zahin-o-danish qadam qadam pe sanbhal raha hai

ajab fazaon ka ruKH hua hai zamin ki chadar sarak chuki hai

qadam jahan pe main rakh raha hun wahin se lawa nikal raha hai

ye ahd-e-hazir ki hai haqiqat ki aasman ki inayaten hain

zamin pe eDi ragaD raha hun lahun ka chashma ubal raha hai

mujassamon ki KHamosh aankhon se KHun Tapakne ki hai alamat

meri ghazal ka nafis lahja bhi saKHt nauhe mein Dhal raha hai

ye sukhe peDon ke zard patte meri tabahi pe hans rahe hain

unhen KHabar kya ki rafta-rafta samay ka suraj pighal raha hai

hayat ke us muamle ko bayan karna bhi hai zaruri

jabhi se 'alam' samajh mein aaya tabhi se chashma badal raha hai