mere bachche mujhe meri baqa ke istiare hain

mire bachche mujhe merī baqā ke isti.āre haiñ

ye merī zindagī ke chāñd sūraj aur taare haiñ

ye ham ne kab kahā hai tum hamāre hī hamāre ho

yaqīnan ye kahā hai ham tumhāre hī tumhāre haiñ

ajab ik silsila hai aag paanī kā mire andar

mirī āñkheñ ki dariyā haiñ mirī sāñseñ sharāre haiñ

kahā to hai ḳhushī terī to ġham saare mohabbat ke

hamāre haiñ hamāre haiñ hamāre haiñ hamāre haiñ

hamāre paas vo ujḌā huā har baar hī aayā

lab-o-ruḳhsār-o-āriz bārhā us ke sañvāre haiñ

hai qīmat in dinoñ joban pe pindār-e-marāsim kī

so girvī rakh ke jism-o-jāñ ko ye qarze utāre haiñ

'na.īm' us ko mubārakbād us kī jiit par dil se

use ye kyā patā hai kis tarah ham us se haare haiñ

mere bachche mujhe meri baqa ke istiare hain

ye meri zindagi ke chand suraj aur tare hain

ye hum ne kab kaha hai tum hamare hi hamare ho

yaqinan ye kaha hai hum tumhaare hi tumhaare hain

ajab ek silsila hai aag pani ka mere andar

meri aankhen ki dariya hain meri sansen sharare hain

kaha to hai KHushi teri to gham sare mohabbat ke

hamare hain hamare hain hamare hain hamare hain

hamare pas wo ujDa hua har bar hi aaya

lab-o-ruKHsar-o-ariz barha us ke sanware hain

hai qimat in dinon joban pe pindar-e-marasim ki

so girwi rakh ke jism-o-jaan ko ye qarze utare hain

'naim' us ko mubarakbaad us ki jit par dil se

use ye kya pata hai kis tarah hum us se haare hain