mere dil ke dariche mein meri palkon ki chaukhaT par

mire dil ke darīche meñ mirī palkoñ kī chaukhaT par

abhī tak hai tirī ḳhushbū mire hoñToñ kī chaukhaT par

tirī aashā kā har shab meñ bujhā sā jo dikhā.ī de

vo taarā jhilmilā.e phir mirī sub.hoñ kī chaukhaT par

nayā phir dard kā mausam ye ġham shādāb phir hoñge

tire ḳhvāboñ kī dastak phir mire nainoñ kī chaukhaT par

tirī yādoñ ke sab jugnū sahar tak chunte rahte haiñ

tire paimāñ jo bikhre haiñ mirī rātoñ kī chaukhaT par

jo titlī ke paroñ jaisī mohabbat meñ kabhī guzre

abhī tak maiñ to baiThī huuñ unhī lamhoñ kī chaukhaT par

jahāñ bhī tū rahe jānāñ karam tujh par rahe rab kā

duā har pal mahaktī hai mire hoñToñ kī chaukhaT par

ajab sī gard phailī hai 'suman' ruḳhsār par mere

koī TuuTā sitāra hai mirī palkoñ kī chaukhaT par

mere dil ke dariche mein meri palkon ki chaukhaT par

abhi tak hai teri KHushbu mere honTon ki chaukhaT par

teri aasha ka har shab mein bujha sa jo dikhai de

wo tara jhilmilae phir meri subhon ki chaukhaT par

naya phir dard ka mausam ye gham shadab phir honge

tere KHwabon ki dastak phir mere nainon ki chaukhaT par

teri yaadon ke sab jugnu sahar tak chunte rahte hain

tere paiman jo bikhre hain meri raaton ki chaukhaT par

jo titli ke paron jaisi mohabbat mein kabhi guzre

abhi tak main to baiThi hun unhi lamhon ki chaukhaT par

jahan bhi tu rahe jaanan karam tujh par rahe rab ka

dua har pal mahakti hai mere honTon ki chaukhaT par

ajab si gard phaili hai 'suman' ruKHsar par mere

koi TuTa sitara hai meri palkon ki chaukhaT par