mere dil ki ab ai ashk-e-nadamat shust-o-shu kar de
mire dil kī ab ai ashk-e-nadāmat shust-o-shū kar de
bas itnā kar ke duniyā se mujhe be-ārzū kar de
chaman sar par uThā rakkhā hai fariyād-e-anādil ne
mazā aa jaa.e tū gul ko agar be-rañg-o-bū kar de
ye ina.am-e-taġhāf ai dil-e-himmat-shikan tauba
mujhe gum kar to yuuñ gum kar ki mahv-e-justujū kar de
sadaf kī tarah dil ko rāz-dār-e-mauj-e-tūfāñ kar
guhar kī tarah mujh ko ġharq-e-bahr-e-ābrū kar de
milegā rishtha-e-ulfat kahīñ ai baḳhiya-gar tujh ko
jo mil jaa.e to mere dil ke zaḳhmoñ ko rafū kar de
mujhe tāb-e-nazar baaqī nahīñ ai jalva-e-jānāñ
pareshāñ ik zarā aariz pe zulf-e-mushkbū kar de
galī jaatī haiñ zanjīreñ jalā jaatā hai pairāhan
junūñ ko fikr hai rusvā mujhe phir kū-ba-kū kar de
mujhe avval fanā āḳhir fanā ai 'barq' honā hai
zahe-qismat jo ruḳh merī taraf vo sho.ala-rū kar de
mere dil ki ab ai ashk-e-nadamat shust-o-shu kar de
bas itna kar ke duniya se mujhe be-arzu kar de
chaman sar par uTha rakkha hai fariyaad-e-anadil ne
maza aa jae tu gul ko agar be-rang-o-bu kar de
ye inam-e-taghaf ai dil-e-himmat-shikan tauba
mujhe gum kar to yun gum kar ki mahw-e-justuju kar de
sadaf ki tarah dil ko raaz-dar-e-mauj-e-tufan kar
guhar ki tarah mujh ko gharq-e-bahr-e-abru kar de
milega rishtha-e-ulfat kahin ai baKHiya-gar tujh ko
jo mil jae to mere dil ke zaKHmon ko rafu kar de
mujhe tab-e-nazar baqi nahin ai jalwa-e-jaanan
pareshan ek zara aariz pe zulf-e-mushkbu kar de
gali jati hain zanjiren jala jata hai pairahan
junun ko fikr hai ruswa mujhe phir ku-ba-ku kar de
mujhe awwal fana aaKHir fana ai 'barq' hona hai
zahe-qismat jo ruKH meri taraf wo shoala-ru kar de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
