mere dil mein gardish-e-waqt ke kai daur aise guzar gae

mire dil meñ gardish-e-vaqt ke ka.ī daur aise guzar ga.e

ki jo ubhre naqsh the miT ga.e jo miTe nishāñ the ubhar ga.e

zarā ahd-e-māzī ko jhāñk luuñ zarā moḌ ke pīchhe bhī dekh luuñ

mirā kārvāñ thā vo kyā huā mire ham-safar vo kidhar ga.e

vahīñ yaad aatī haiñ sūrateñ vahī dhundlī sī mūrateñ

vahī DhūñDtā huuñ maiñ naqsh-e-pā ki jo rahguzar meñ bikhar ga.e

hai vahī to hāsil-e-zindagī mujhe ab bhī un pe hī naaz hai

mirī zindagī ke vo raat din tirī yaad meñ jo guzar ga.e

na rahā vo pahlā sā rābta nahīñ dil se dil ko vo vāsta

liyā naam terā kisī ne jab ka.ī daaġh dil ke ubhar ga.e

mire jaam qalb-o-jigar ke the kisī lahza ḳhālī na rah sake

liyā naam terā kisī ne jab ka.ī daaġh dil ke ubhar ga.e

mire sāz-e-dil zarā jaag ab mujhe so.e ho ga.iiñ muddateñ

ye kināra dil kā ḳhamosh hai yahāñ kab ke tūfāñ utar ga.e

inhīñ jāñ-fazā mire naġhmoñ kā ai 'habīb' hashr ye kyā huā

kabhī ghuT ke dil meñ hī rah ga.e kabhī lab pe aa ke bikhar ga.e

mere dil mein gardish-e-waqt ke kai daur aise guzar gae

ki jo ubhre naqsh the miT gae jo miTe nishan the ubhar gae

zara ahd-e-mazi ko jhank lun zara moD ke pichhe bhi dekh lun

mera karwan tha wo kya hua mere ham-safar wo kidhar gae

wahin yaad aati hain suraten wahi dhundli si muraten

wahi DhunDta hun main naqsh-e-pa ki jo rahguzar mein bikhar gae

hai wahi to hasil-e-zindagi mujhe ab bhi un pe hi naz hai

meri zindagi ke wo raat din teri yaad mein jo guzar gae

na raha wo pahla sa rabta nahin dil se dil ko wo wasta

liya nam tera kisi ne jab kai dagh dil ke ubhar gae

mere jam qalb-o-jigar ke the kisi lahza KHali na rah sake

liya nam tera kisi ne jab kai dagh dil ke ubhar gae

mere saz-e-dil zara jag ab mujhe soe ho gain muddaten

ye kinara dil ka KHamosh hai yahan kab ke tufan utar gae

inhin jaan-faza mere naghmon ka ai 'habib' hashr ye kya hua

kabhi ghuT ke dil mein hi rah gae kabhi lab pe aa ke bikhar gae