mere dil mein zaKHm hi zaKHm hain mujhe tab-e-zabt rahi nahin

mire dil meñ zaḳhm hī zaḳhm haiñ mujhe tāb-e-zabt rahī nahīñ

maiñ alam-nasīb huuñ āj-kal mirī zindagī meñ ḳhushī nahīñ

unheñ rāzdār banā liyā unheñ haal dil kā sunā diyā

jinheñ dard koī milā nahīñ jinheñ choT koī lagī nahīñ

sabhī talḳhiyoñ ko bhulā diyā sabhī ranjishoñ ko miTā diyā

mire dost mujh pe yaqīn kar mire dil meñ koī kamī nahīñ

vahī bebasī vahī be-kasī vahī iztirāb hai aaj bhī

vo jo aag tū ne lagā.ī thī mirī zindagī meñ bujhī nahīñ

koī aur kartā jo be-ruḳhī to gila nahīñ thā mirā koī

mujhe sirf is kā malāl hai mirī baat tū ne sunī nahīñ

mere dil mein zaKHm hi zaKHm hain mujhe tab-e-zabt rahi nahin

main alam-nasib hun aaj-kal meri zindagi mein KHushi nahin

unhen raazdar bana liya unhen haal dil ka suna diya

jinhen dard koi mila nahin jinhen choT koi lagi nahin

sabhi talKHiyon ko bhula diya sabhi ranjishon ko miTa diya

mere dost mujh pe yaqin kar mere dil mein koi kami nahin

wahi bebasi wahi be-kasi wahi iztirab hai aaj bhi

wo jo aag tu ne lagai thi meri zindagi mein bujhi nahin

koi aur karta jo be-ruKHi to gila nahin tha mera koi

mujhe sirf is ka malal hai meri baat tu ne suni nahin