mere dil ne di hai tujhe sada main kai dinon se udas hun

mire dil ne dī hai tujhe sadā maiñ ka.ī dinoñ se udaas huuñ

tū ka.ī dinoñ se nahīñ milā maiñ ka.ī dinoñ se udaas huuñ

dil-e-muztarib mire paas thā mujhe ġham azal se hī raas thā

maiñ ka.ī dinoñ se udaas thā maiñ ka.ī dinoñ se udaas huuñ

vo uThā to zauq-e-talab uThā mire dil se rañg-e-tarab uThā

ye ḳhizāñ ke din mire rab uThā maiñ ka.ī dinoñ se udaas huuñ

tū riyāz-e-hast se phuul chun mire dil meñ ab fanā kī dhun

mujhe tujh se honā hai ab judā maiñ ka.ī dinoñ se udaas huuñ

vo jo aarzū kī rafīq ho jo rafīq-e-dard-e-amīq ho

mujhe de de aisī koī davā maiñ ka.ī dinoñ se udaas huuñ

tū mire mizāj kā phuul hai tū nahīñ to aañkh fuzūl hai

tū nazar kī jhiil meñ jhilmilā maiñ ka.ī dinoñ se udaas huuñ

jahāñ ab hai malba paḌā huā yahāñ pahle koī nagar bhī thā

mirā ghar nahīñ mujhe mil rahā maiñ ka.ī dinoñ se udaas huuñ

mirī aañkh husn-parast hai mire gird shaam kā dasht hai

koī tāq-e-dil meñ jalā diyā maiñ ka.ī dinoñ se udaas huuñ

mere dil ne di hai tujhe sada main kai dinon se udas hun

tu kai dinon se nahin mila main kai dinon se udas hun

dil-e-muztarib mere pas tha mujhe gham azal se hi ras tha

main kai dinon se udas tha main kai dinon se udas hun

wo uTha to zauq-e-talab uTha mere dil se rang-e-tarab uTha

ye KHizan ke din mere rab uTha main kai dinon se udas hun

tu riyaz-e-hast se phul chun mere dil mein ab fana ki dhun

mujhe tujh se hona hai ab juda main kai dinon se udas hun

wo jo aarzu ki rafiq ho jo rafiq-e-dard-e-amiq ho

mujhe de de aisi koi dawa main kai dinon se udas hun

tu mere mizaj ka phul hai tu nahin to aankh fuzul hai

tu nazar ki jhil mein jhilmila main kai dinon se udas hun

jahan ab hai malba paDa hua yahan pahle koi nagar bhi tha

mera ghar nahin mujhe mil raha main kai dinon se udas hun

meri aankh husn-parast hai mere gird sham ka dasht hai

koi taq-e-dil mein jala diya main kai dinon se udas hun