mere etimad ko gham mila meri jab kisi pe nazar gai

mire e'timād ko ġham milā mirī jab kisī pe nazar ga.ī

isī justujū isī karb meñ mirī saarī umr guzar ga.ī

kabhī ban ke ishq kī rāz-dāñ kabhī ho ke aah kī dāstāñ

ka.ī tarah tere huzūr tak mire hāl-e-dil kī ḳhabar ga.ī

mujhe mere haal pe chhoḌ do mire dosto ye karam karo

mirī umr-e-rafta ko do sadā mujhe dard de ke kidhar ga.ī

kabhī mai-kashoñ se ḳhulūs thā tirī chashm-e-shīsha-navāz ko

magar ab ye duur hai sāqiyā ki nazar se qadr-e-bashar ga.ī

mujhe zabt-e-ġham kā na de sabaq zarā apne haal pe kar nazar

mirī uljhanoñ ke ḳhayāl se tirī zulf bhī to bikhar ga.ī

ye to vaqt vaqt kī baat hai koī ro diyā koī hañs diyā

mirī vārdāt-e-dil-o-nazar mirī zindagī pe guzar ga.ī

kise DhūñDte ho nagar nagar kise shahr shahr ho pūchhte

tumheñ shams' jis kī talāsh hai vo nigāh-e-ā.ina gir ga.ī

mere e'timad ko gham mila meri jab kisi pe nazar gai

isi justuju isi karb mein meri sari umr guzar gai

kabhi ban ke ishq ki raaz-dan kabhi ho ke aah ki dastan

kai tarah tere huzur tak mere haal-e-dil ki KHabar gai

mujhe mere haal pe chhoD do mere dosto ye karam karo

meri umr-e-rafta ko do sada mujhe dard de ke kidhar gai

kabhi mai-kashon se KHulus tha teri chashm-e-shisha-nawaz ko

magar ab ye dur hai saqiya ki nazar se qadr-e-bashar gai

mujhe zabt-e-gham ka na de sabaq zara apne haal pe kar nazar

meri uljhanon ke KHayal se teri zulf bhi to bikhar gai

ye to waqt waqt ki baat hai koi ro diya koi hans diya

meri wardat-e-dil-o-nazar meri zindagi pe guzar gai

kise DhunDte ho nagar nagar kise shahr shahr ho puchhte

tumhein shams' jis ki talash hai wo nigah-e-aina gir gai