mere harif ne maidan-e-jang chhoD diya

mire harīf ne maidān-e-jang chhoḌ diyā

zarā sī choT pe lohe ne zang chhoḌ diyā

guzishta saal kī garmī azaab jaisī thī

vo lū chalī ki makānoñ ne rang chhoḌ diyā

tamām jism pe niilī sī mauj dauḌ ga.ī

kisī ne jhiil sī āñkhoñ meñ sang chhoḌ diyā

falak ne mil ke ḳhalāoñ se sāzisheñ kar liiñ

phir is ke baad zamīnoñ kā sang chhoḌ diyā

kuchh is tarah se masā.il ne aa liyā ham ko

tujhe ġhazal meñ samone kā Dhang chhoḌ diyā

mere harif ne maidan-e-jang chhoD diya

zara si choT pe lohe ne zang chhoD diya

guzishta sal ki garmi azab jaisi thi

wo lu chali ki makanon ne rang chhoD diya

tamam jism pe nili si mauj dauD gai

kisi ne jhil si aankhon mein sang chhoD diya

falak ne mil ke KHalaon se sazishen kar lin

phir is ke baad zaminon ka sang chhoD diya

kuchh is tarah se masail ne aa liya hum ko

tujhe ghazal mein samone ka Dhang chhoD diya