mere jigar ki tab dekh ruKH ki shikastagi na dekh

mire jigar kī taab dekh ruḳh kī shikastagī na dekh

fitrat-e-āshiqī samajh qismat-e-āshiqī na dekh

aur nazar vasī' kar pesh-e-nigāh hī na dekh

maut meñ DhūñD zindagī ziist meñ nīstī na dekh

jaise har ik nafas nafas nok-e-sināñ liye hue

'ishq kā ḳhvāb dekh le 'ishq kī zindagī na dekh

maiñ to sarā-e-shauq meñ dil kā kañval jalā chukā

ab ye tirī ḳhushī ki tū dekh ki raushnī na dekh

ek usuul yaad rakh sālik-e-rāh-e-zindagī

naqsh-o-nigār-e-dahr dekh muḌ ke magar kabhī na dekh

apnī nigāh pher le haañ ye mujhe qubūl hai

rakh mirī aarzū kī sharm-e-shauq kī bebasī na dekh

tujh pe 'ayāñ hai rāz-e-dil jaan ke bin na be-ḳhabar

ma.anī-e-ḳhāmushī samajh sūrat-e-ḳhāmushī na dekh

'mullā' ye kyā lagā liyā dil ko hañsī hañsī meñ rog

baat batā rahe the jo ho ke rahī vahī na dekh

mere jigar ki tab dekh ruKH ki shikastagi na dekh

fitrat-e-ashiqi samajh qismat-e-ashiqi na dekh

aur nazar wasi' kar pesh-e-nigah hi na dekh

maut mein DhunD zindagi zist mein nisti na dekh

jaise har ek nafas nafas nok-e-sinan liye hue

'ishq ka KHwab dekh le 'ishq ki zindagi na dekh

main to sara-e-shauq mein dil ka kanwal jala chuka

ab ye teri KHushi ki tu dekh ki raushni na dekh

ek usul yaad rakh salik-e-rah-e-zindagi

naqsh-o-nigar-e-dahr dekh muD ke magar kabhi na dekh

apni nigah pher le han ye mujhe qubul hai

rakh meri aarzu ki sharm-e-shauq ki bebasi na dekh

tujh pe 'ayan hai raaz-e-dil jaan ke bin na be-KHabar

mani-e-KHamushi samajh surat-e-KHamushi na dekh

'mulla' ye kya laga liya dil ko hansi hansi mein rog

baat bata rahe the jo ho ke rahi wahi na dekh