mere junun mein meri wafa mein KHulus ki jab kami milegi
mere junun mein meri wafa mein KHulus ki jab kami milegi
Zia Fatehabadi
MORE BYZia Fatehabadi
Interesting Fact
Delhi 1949
mire junūñ meñ mirī vafā meñ ḳhulūs kī jab kamī milegī
chaman giraft-e-ḳhizāñ meñ hogā bahār ujḌī huī milegī
javāñ hai himmat hai azm-e-mohkam nazar uThā.eñ to ahl-e-dānish
alam ke tārīk ufuq pe raushan shuā-e-ummīd bhī milegī
tasavvur us māh-rū kā hogā kabhī to dil meñ ziyā-ba-dāman
kabhī to zulmat-kade meñ ham ko khulī huī chāñdnī milegī
mirā pata pūchh kar na toḌo sukūt merā jumūd merā
buland mahloñ meñ rahne vaalo kahāñ mirī jhoñpaḌī milegī
ye kor-chashmī kā hai tamāshā ki zulmatoñ kī taheñ jamī haiñ
nazar se parda haTā ke dekheñ yahāñ vahāñ raushnī milegī
rivāyatī paikar-e-ġhazal meñ bharā hai rañg-e-jadīd maiñ ne
'ziyā' mire sher meñ muhayyā koī na.ī baat hī milegī
mere junun mein meri wafa mein KHulus ki jab kami milegi
chaman giraft-e-KHizan mein hoga bahaar ujDi hui milegi
jawan hai himmat hai azm-e-mohkam nazar uThaen to ahl-e-danish
alam ke tarik ufuq pe raushan shua-e-ummid bhi milegi
tasawwur us mah-ru ka hoga kabhi to dil mein ziya-ba-daman
kabhi to zulmat-kade mein hum ko khuli hui chandni milegi
mera pata puchh kar na toDo sukut mera jumud mera
buland mahlon mein rahne walo kahan meri jhonpaDi milegi
ye kor-chashmi ka hai tamasha ki zulmaton ki tahen jami hain
nazar se parda haTa ke dekhen yahan wahan raushni milegi
riwayati paikar-e-ghazal mein bhara hai rang-e-jadid main ne
'ziya' mere sher mein muhayya koi nai baat hi milegi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
