mere KHilaf zaban apni kholne wale

mire ḳhilāf zabāñ apnī kholne vaale

ajiib log haiñ rāzoñ ko DhūñDne vaale

shikam meñ buġhz rakheñ aur aañkh kā roza

samā.atoñ meñ sabhī shahd gholne vaale

tumheñ ḳhabar hī nahīñ hai azāb-e-qaum-e-sho.aib

aqīdatoñ ko tarāzū meñ tolne vaale

Darā diyā hai jo sāñpoñ kā vasvasa de kar

makīñ nahīñ the ḳhazīne ko lūTne vaale

tire qadam se maiñ pahle qadam nahīñ rakhtā

mire aziiz nishāñ merā khojne vaale

vo shāhzādī isī vāste sañbhaltī rahī

ki biich raah meñ paañv the Dolne vaale

mere KHilaf zaban apni kholne wale

ajib log hain raazon ko DhunDne wale

shikam mein bughz rakhen aur aankh ka roza

samaaton mein sabhi shahd gholne wale

tumhein KHabar hi nahin hai azab-e-qaum-e-shoaib

aqidaton ko taraazu mein tolne wale

Dara diya hai jo sanpon ka waswasa de kar

makin nahin the KHazine ko luTne wale

tere qadam se main pahle qadam nahin rakhta

mere aziz nishan mera khojne wale

wo shahzadi isi waste sanbhalti rahi

ki bich rah mein panw the Dolne wale