mere KHuda koi chhanw koi zamin koi ghar
mire ḳhudā koī chhāñv koī zamīñ koī ghar
hamāre jaisoñ kī qismat meñ kyuuñ nahīñ koī ghar
ai be-niyāz batā hashr kab muayyan hai
bahut larazne lagā hai tah-e-jabīñ koī ghar
kamar pe laad ke chalte rahoge tanhā.ī
tamām umr milegā nahīñ kahīñ koī ghar
makān banñe se koī jagah bachī hī nahīñ
huā to kartā thā pahle kahīñ kahīñ koī ghar
koī azaab thā jo saarā shahr le Duubā
ki chhoḌte haiñ bhalā is tarah makīñ koī ghar
mere KHuda koi chhanw koi zamin koi ghar
hamare jaison ki qismat mein kyun nahin koi ghar
ai be-niyaz bata hashr kab muayyan hai
bahut larazne laga hai tah-e-jabin koi ghar
kamar pe lad ke chalte rahoge tanhai
tamam umr milega nahin kahin koi ghar
makan banne se koi jagah bachi hi nahin
hua to karta tha pahle kahin kahin koi ghar
koi azab tha jo sara shahr le Duba
ki chhoDte hain bhala is tarah makin koi ghar
- Book : Tamasha (Pg. 52)
- Author : Hassan Shahnawaz Zaidi
- Edition : 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
