mere KHulus ne pighla diya hai patthar ko

mire ḳhulūs ne pighlā diyā hai patthar ko

ki ab vo haath lagātā nahīñ hai ḳhanjar ko

baḌā hī naam kamāyā bahut milī shohrat

hamāre sar ke jhukāne se aap ke dar ko

bas ek ruuh kī taḳhlīq ke sivā yaaro

ḳhudā ne saarā hunar de diyā thā aazar ko

baḌe hī shauq se un sab ne nosh farmāyā

milā jo jām-e-shahādat sabhī bahattar ko

isī 'amal meñ guzartī rahī hayāt apnī

chhupāyā paañv ko apne kabhī kabhī sar ko

tire ḳhazāne meñ yārab koī kamī hogī

mile jo is meñ se kuchh bhī ‘mu’īn-kausar' ko

mere KHulus ne pighla diya hai patthar ko

ki ab wo hath lagata nahin hai KHanjar ko

baDa hi nam kamaya bahut mili shohrat

hamare sar ke jhukane se aap ke dar ko

bas ek ruh ki taKHliq ke siwa yaro

KHuda ne sara hunar de diya tha aazar ko

baDe hi shauq se un sab ne nosh farmaya

mila jo jam-e-shahadat sabhi bahattar ko

isi 'amal mein guzarti rahi hayat apni

chhupaya panw ko apne kabhi kabhi sar ko

tere KHazane mein yarab koi kami hogi

mile jo is mein se kuchh bhi ‘mu’in-kausar' ko