mere lahu se hai ek rang-e-nau-bahaar-e-ghazal

mire lahū se hai ik rang-e-nau-bahār-e-ġhazal

ġharīb-e-shahr huuñ lekin huuñ shahr-yār-e-ġhazal

jo chhū ke niklī hai mauj-e-nasīm-e-ishq kabhī

mahak mahak uThe gesū-e-tābdār-e-ġhazal

ḳhulūs-e-ishq-o-ḳhulūs-e-hayāt kī tasvīr

har ek sher-e-ġhazal hai ki shāhkār-e-ġhazal

hamāre ġham meñ ġham-e-ishq-e-kā.enāt bhī hai

hamāre ashkoñ se shādāb hai bahār-e-ġhazal

hamāre zauq-e-junūñ se hai kā.enāt hasīn

ham ahl-e-ishq se hai raunaq-e-dayār-e-ġhazal

vo kā.enāt kā dukh-sukh ġhazal ke parde meñ

huā na 'mīr' sā phir koī shahr-yār-e-ġhazal

mere lahu se hai ek rang-e-nau-bahaar-e-ghazal

gharib-e-shahr hun lekin hun shahr-yar-e-ghazal

jo chhu ke nikli hai mauj-e-nasim-e-ishq kabhi

mahak mahak uThe gesu-e-tabdar-e-ghazal

KHulus-e-ishq-o-KHulus-e-hayat ki taswir

har ek sher-e-ghazal hai ki shahkar-e-ghazal

hamare gham mein gham-e-ishq-e-kaenat bhi hai

hamare ashkon se shadab hai bahaar-e-ghazal

hamare zauq-e-junun se hai kaenat hasin

hum ahl-e-ishq se hai raunaq-e-dayar-e-ghazal

wo kaenat ka dukh-sukh ghazal ke parde mein

hua na 'mir' sa phir koi shahr-yar-e-ghazal