mere raat din kabhi yun bhi the kai KHwab mere darun bhi the

mire raat din kabhī yuuñ bhī the ka.ī ḳhvāb mere darūñ bhī the

ye jo roz-o-shab haiñ qarār meñ yahī pahle vaqf-e-junūñ bhī the

mirā dil bhī thā kabhī aa.ina kisī jām-e-jam se bhī māvarā

ye jo gard ġham se hai bujh gayā isī aa.ine meñ fusūñ bhī the

ye maqām yuuñ to fuġhāñ kā thā pa hañse ki taur jahāñ kā thā

thā bahut kaḌā ye maqām par ka.ī ek is se fuzūñ bhī the

abhī aql aa bhī ga.ī to kyā abhī hañs diye bhī to kyā huā

hamī dasht-e-ishq-e-navard the hamī log ahl-e-junūñ bhī the

ye jo sail-e-ġham sar-e-chashm-e-nam hai ravāñ-davāñ ka.ī roz se

use kyā ḳhabar isī dasht meñ ka.ī ḳhvāb mahv-e-sukūñ bhī the

mere raat din kabhi yun bhi the kai KHwab mere darun bhi the

ye jo roz-o-shab hain qarar mein yahi pahle waqf-e-junun bhi the

mera dil bhi tha kabhi aaina kisi jam-e-jam se bhi mawara

ye jo gard gham se hai bujh gaya isi aaine mein fusun bhi the

ye maqam yun to fughan ka tha pa hanse ki taur jahan ka tha

tha bahut kaDa ye maqam par kai ek is se fuzun bhi the

abhi aql aa bhi gai to kya abhi hans diye bhi to kya hua

hami dasht-e-ishq-e-naward the hami log ahl-e-junun bhi the

ye jo sail-e-gham sar-e-chashm-e-nam hai rawan-dawan kai roz se

use kya KHabar isi dasht mein kai KHwab mahw-e-sukun bhi the