mere sath sath aao naya mai-kada banao

mire saath saath aao nayā mai-kada banāo

kabhī maiñ tumheñ pilā.ūñ kabhī tum mujhe pilāo

ye ġharīb kā makāñ hai yahāñ farsh-e-gul kahāñ hai

jo ho baiThnā to aao sar-e-ḳhāk baiTh jaao

abhī tāb-e-imtihāñ hai abhī hausla javāñ hai

abhī aur zulm toḌo abhī aur zulm Dhaao

kabhī gir rahe haiñ aañsū kabhī uTh rahī haiñ aa.heñ

tumheñ kis ne kah diyā thā mire she'r gungunāo

mirī zindagī yahī hai ki har ik ko faiz pahuñche

maiñ charāġh-e-rah-guzar huuñ mujhe shauq se jalāo

mere sath sath aao naya mai-kada banao

kabhi main tumhein pilaun kabhi tum mujhe pilao

ye gharib ka makan hai yahan farsh-e-gul kahan hai

jo ho baiThna to aao sar-e-KHak baiTh jao

abhi tab-e-imtihan hai abhi hausla jawan hai

abhi aur zulm toDo abhi aur zulm Dhao

kabhi gir rahe hain aansu kabhi uTh rahi hain aahen

tumhein kis ne kah diya tha mere she'r gungunao

meri zindagi yahi hai ki har ek ko faiz pahunche

main charagh-e-rah-guzar hun mujhe shauq se jalao