mere suKHan se siyasat ki bu nahin aati

mire suḳhan se siyāsat kī bū nahīñ aatī

ghumā-phirā ke mujhe guftugū nahīñ aatī

vahī hunar hai vahī ham haiñ canvas pe magar

hamārī shakl kabhī hū-bahū nahīñ aatī

kiyā hai us ne tayammum nadī ke sāhil par

samajh meñ hujjat-e-tark-e-vuzū nahīñ aatī

hamārā dil bhī hai zaḳhmoñ se chūr-chūr bahut

sadā-e-dard magar kū-ba-kū nahīñ aatī

nibāh kartī agar vo tirī tarah mujh se

mirī hayāt meñ shāyad ki tū nahīñ aatī

vo baat aisī nahīñ thī ki bhuul jaatā maiñ

jo baat yaad tire rū-barū nahīñ aatī

mere suKHan se siyasat ki bu nahin aati

ghuma-phira ke mujhe guftugu nahin aati

wahi hunar hai wahi hum hain canwas pe magar

hamari shakl kabhi hu-bahu nahin aati

kiya hai us ne tayammum nadi ke sahil par

samajh mein hujjat-e-tark-e-wuzu nahin aati

hamara dil bhi hai zaKHmon se chur-chur bahut

sada-e-dard magar ku-ba-ku nahin aati

nibah karti agar wo teri tarah mujh se

meri hayat mein shayad ki tu nahin aati

wo baat aisi nahin thi ki bhul jata main

jo baat yaad tere ru-baru nahin aati