mere to jo bhi aas-pas hai udas hai

mire to jo bhī ās-pās hai udaas hai

jo shaḳhs bhī mirā qayās hai udaas hai

udāsī munsalik hai tan-badan se is tarah

ye tan pe mere jo libās hai udaas hai

badal gayā guloñ kā rang aa ke Theloñ pe

jo aatī in guloñ se baas hai udaas hai

batā batā ke thak chukā udāsī kā sabab

bilā-vajah hī dil udaas hai udaas hai

zarā nazar ghumā faqat udaas tū nahīñ

havā bhī aaj bad-havās hai udaas hai

tire milan se pahle shād-bāsh thā ye dil

lagī jo dil ko terī aas hai udaas hai

kabhī to aa ke ghuum jā mirā ye dil-nagar

zarā tire milan se yaas hai udaas hai

nasīb hī mirā ḳhafā hai mujh se is tarah

jo har tarah se mujh ko raas hai udaas hai

mere to jo bhi aas-pas hai udas hai

jo shaKHs bhi mera qayas hai udas hai

udasi munsalik hai tan-badan se is tarah

ye tan pe mere jo libas hai udas hai

badal gaya gulon ka rang aa ke Thelon pe

jo aati in gulon se bas hai udas hai

bata bata ke thak chuka udasi ka sabab

bila-wajah hi dil udas hai udas hai

zara nazar ghuma faqat udas tu nahin

hawa bhi aaj bad-hawas hai udas hai

tere milan se pahle shad-bash tha ye dil

lagi jo dil ko teri aas hai udas hai

kabhi to aa ke ghum ja mera ye dil-nagar

zara tere milan se yas hai udas hai

nasib hi mera KHafa hai mujh se is tarah

jo har tarah se mujh ko ras hai udas hai