meri aankhon ke wo Thahre hue pani mein rahte hain

mirī āñkhoñ ke vo Thahre hue paanī meñ rahte haiñ

zamāna be-adab hai merī nigarānī meñ rahte haiñ

basā lete haiñ jo āñkhoñ meñ sapne āshiyānoñ ke

hamesha vo parinde hī pareshānī meñ rahte haiñ

ghaTā muhtāj rahtī hai tirī āñkhoñ ke kājal kī

hañsī ke kārvāñ phūloñ kī afshānī meñ rahte haiñ

maiñ chhoḌ aaya thā āñkheñ muntazir un ke darīche meñ

hamesha vo isī jur.at pe hairānī meñ rahte haiñ

jhalak hai ġhuncha-o-gul ke lahū kī us kī āñkhoñ meñ

ajab maalī hai jis kī ham nigahbānī meñ rahte haiñ

khulī āñkheñ bhī hoñ milnā sañbhal kar phir bhī ai 'rāhat'

darinde bhī chhupe ab jism-e-insānī meñ rahte haiñ

meri aankhon ke wo Thahre hue pani mein rahte hain

zamana be-adab hai meri nigarani mein rahte hain

basa lete hain jo aankhon mein sapne aashiyanon ke

hamesha wo parinde hi pareshani mein rahte hain

ghaTa muhtaj rahti hai teri aankhon ke kajal ki

hansi ke karwan phulon ki afshani mein rahte hain

main chhoD aaya tha aankhen muntazir un ke dariche mein

hamesha wo isi jurat pe hairani mein rahte hain

jhalak hai ghuncha-o-gul ke lahu ki us ki aankhon mein

ajab mali hai jis ki hum nigahbani mein rahte hain

khuli aankhen bhi hon milna sanbhal kar phir bhi ai 'rahat'

darinde bhi chhupe ab jism-e-insani mein rahte hain