meri bayaz ko sheron se tum saja dena
mirī bayāz ko sheroñ se tum sajā denā
maiñ ek vahm huuñ mujh ko yaqīñ banā denā
banā ke koī kahānī hamārī hastī kī
nadī meñ kāġhzī kashtī koī bahā denā
bahut sambhāl ke rakkhā hai maiñ ne phūloñ ko
jo ho sake inheñ gul-dān meñ sajā denā
chalā gayā jo kabhī lauT kar nahīñ aayā
maiñ lauT ā.ūñgī mujh ko zarā sadā denā
añdherā DhūñDhtā rahtā hai merī parchhā.īñ
jale charāġh to chādar mujhe oḌhā denā
kitābeñ so nahīñ pā.eñgī mere ba.ad kabhī
huā tū aa ke inheñ loriyāñ sunā denā
bikhar ke rah ga.ī zarrāt-e-ġham meñ 'shā.istā'
tire qalam se na.ī shakl ik banā denā
meri bayaz ko sheron se tum saja dena
main ek wahm hun mujh ko yaqin bana dena
bana ke koi kahani hamari hasti ki
nadi mein kaghzi kashti koi baha dena
bahut sambhaal ke rakkha hai main ne phulon ko
jo ho sake inhen gul-dan mein saja dena
chala gaya jo kabhi lauT kar nahin aaya
main lauT aaungi mujh ko zara sada dena
andhera DhunDhta rahta hai meri parchhain
jale charagh to chadar mujhe oDha dena
kitaben so nahin paengi mere baad kabhi
hua tu aa ke inhen loriyan suna dena
bikhar ke rah gai zarraat-e-gham mein 'shaista'
tere qalam se nai shakl ek bana dena
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
